林一峰一向都是以歌會友，相信喜歡他的歌迷都是因為他的歌曲及歌聲，他每次表演只有簡單的服飾、一支結他，台下的歌迷都聽得如癡如醉，即將開演唱會的他近日愛上四出尋找老樹，還會以樹木作背景開騷。
已經有三年沒有開騷沒有推出過唱片的林一峰，將於下月12至14日在StarHall舉行三場「林一峰TheStoryteller演唱會2008」，屆時他會以樹木作背景，自己就擔任Storyteller的角色，將多年來旅行及創作經歷，用歌聲與歌迷分享。
每年旅行三次
一峰表示近來迷上到處尋找不同的老樹，他說：「香港人每一日都太緊張太匆忙啦，根本就冇好好欣賞過咁靚嘅環境，而且每一棵樹都經歷咗好多日子，佢背後都會有唔同嘅故事，只要你望吓棵樹又可以聯想到唔同嘅古仔。」
很多人對於一峰的印象就是一個間中會出一張唱片、間中會舉行小型音樂會的歌手，又或者是at17林二汶的哥哥，原來一峰都覺得自己與其他歌手有點不同，因為他每年的工作時間可以容許他去三次旅行，他說：「我唔去旅行就作唔到歌，所以呢個係我工作嘅一部份，我都覺得自己同其他歌手好唔同，我又唔使出好多function，事實上我做好多表演，只係大家唔知道啫。」
被潘廸華點醒
不過一峰去年因為潘廸華姐姐的一句說話，令他今年不敢再怠慢，努力寫歌，他說：「潘姐姐有一日同我講，幾十年之後啲人只會記得我嘅創作而唔係老闆嘅身份，因為我自己有間公司，之前放咗好多時間喺公司上而少咗作歌。」一峰指聽到潘姐姐的一番肺腑之言，知道是時候重新整理自己，所以今年他要作多些好歌。
採訪：李珮洳
攝影：陳偉權
髮型：EveChiu@ChinG
