打比郡你好嘢！上周打少個兼尾段輸埋畀韋根，令到〈早飛王〉唔可以6連勝。斷纜唔代表畢傑冇咗信心，今周仍然推介「打比」，不過係倫敦打吡，吼實富咸迎擊啱啱失分嘅阿仙奴開「大」，買早飛冇衰。畢傑
雖然好多波評人都認為各地嘅打吡戰，兩隊唔想輸通常會開「細」，但唔知點解畢傑偏偏持相反理論，呢個先入為主嘅概念一直冇變過。打吡戰一係唔掂，買親都多數會買「大」。
失分翌仗多開「大」
阿仙奴上場聯賽爆大冷，主場被伯明翰迫和1:1，睇番兵工廠今季每逢失分後，下一場多數會同對手「大」手交易；好似拆禮物日賽和樸茨茅夫0:0後，翌仗即大勝愛華頓4:1。仲有，自04/05年球季數起，富咸近7次與阿仙奴交手共開出6「大」1「細」，包括今季首循環兵工廠主場贏2:1，充份反映我對打吡戰旺入球的理論。
阿仙奴今周可強陣出戰，早前患感冒的尹佩斯已告病癒，艾廸巴約、希比同辛德路斯又已唞完可復出，只有守將佐羅因傷仍然上陣成疑。不過唔緊要，當4大中場法比加斯、路斯基、希比及法米尼全部歸位後，根本不愁入波機會；前線無論派出艾廸巴約、伊度亞度達施華或賓特拿，我都對佢哋嘅攻力信心十足，隨時一隊阿仙奴都夠開「大」。
富咸現時已跌至聯賽榜尾2位置，自新帥鶴臣領軍後，雖稱唔介意踢醜陋足球，一於腳腳清算數，但係防線仍然未見改善；自輸畀車路士1:2一役計起，領軍3戰共失6球，包括早前喺英足盃主場亦賽和低組別嘅布里斯托流浪2:2，守力絕對信唔過。
富咸守力完全唔掂
何況伊恩皮雅斯、西蒙艾利洛、基拿及保亞沙等繼續養傷，難敵要大反撲嘅阿仙奴狂攻；估計臨場「大」會起票，1.8倍早飛宜快押，波膽保守啲，博兵工廠贏3:1。
早飛王貼士
星期六5 富咸vs阿仙奴
首選：富咸大（1.8）
次選：阿仙奴勝[-1]（2.15）
冷選：阿仙奴勝3:1（10.5）
周六及一早飛超級重心
車仔可小勝伯軍
星期六3
伯明翰vs車路士 1:2（7.5倍）
伯明翰上場射破阿仙奴大門的加利奧干拿續任正選，而球隊近日加碼羅致愛華頓的麥法頓，幾近完成階段。車路士續缺參戰非國盃的艾辛、杜奧巴及沙洛文卡勞等，新加盟的塞爾維亞守將伊雲諾域或正選登場，客軍小勝格。
奇雲基瑾帶旺紐記
星期六39
紐卡素vs保頓 1:0（6倍）
新領隊奇雲基瑾的感染力非同凡響，間接令紐卡素發奮在英足盃大勝史篤城4:1，而今場才為該領隊首度領軍，縱使續有畢特及阿倫史密夫停賽，士氣佳可搭夠，捧主W。保頓安歷卡已離隊，上場先勝後負布力般，打擊士氣。
利物浦難陷維拉
星期一4
利物浦vs阿士東維拉 1:1（7倍）
利物浦有謝拉特復勇，英足盃大勝盧頓5:0連中三元，但或可歸咎於對手僅為英甲水準；今周雖幾近「夫添」，奈何整體表現時好時壞，難言穩勝。維拉有守將美爾保病癒，正選11人全部可列陣，絕對有力一戰，取「客勝」。