每年以百萬酬金擔任時裝品牌Moiselle代言人的黎姿，前晚谷胸行騷，事後更獲熱情女fans送花，fans又封利是給她康復中的胞弟黎嬰。對於弟弟近日常被偷拍，黎姿以平常心指一切隨遇而安。
黎姿、官恩娜、梁雨恩、羅霖及劉坤銘夫婦、富豪太子女羅寶文一家等，前晚在灣仔出席本地女裝品牌Moiselle的08春夏時裝騷。05年開始擔任代言人的黎姿，每年都收百萬酬金，前晚她也盡心報答知遇之恩，性感勁谷湯碗胸行騷。
笑笑口接下
完騷後，黎姿披上披肩接受訪問，中途有一個戴玉珠鏈的師奶fans，上前送花及派利是，黎姿為之愕然，初時她不敢接受，後來師奶fans表示一封給她，另一封給她胞弟黎嬰，黎姿才笑笑口接下。她透露在港只會為該品牌行天橋時裝騷，她說：「我係獨家為Moiselle行騷，有其他人搵過我行，但我冇接，留番畀佢哋，佢哋好好，又有靚妝、靚衫及髮型。」
推掉其他時裝騷豈非損失很多？黎姿說：「內地都有行其他品牌，條件酬勞就係公司傾。我行騷都有綵排，我鍾意音樂，唔做演員都可以做model。」
指弟漸進步
黎姿胞弟黎嬰自從轉到麥理浩復康院後，多次被偷拍康復情況，也拍到黎姿戴口罩探病，她前晚說：「冇乜留意喇，一切隨遇而安啦，探佢戴口罩都好正常。」她指弟弟正漸漸進步中，提到可會要求院方加強保安？她說：「佢哋會小心㗎喇，病人家屬好難干涉，佢哋自己識處理。」
採訪：羅慧敏
攝影：陳慧安