幾個禮拜冇見過肥仔，周二終於同到佢食餐晚飯，記得星期一深夜竟然瞓唔着，嗰種緊張同興奮嘅心情，似足10年前第1次約佢出街一樣。同肥仔行咗陣街跟住打邊爐，嗰日過得好開心，頓時忘記咗記協盃4強出局嘅傷痛。老實講，如果我哋兩個可以抽到時間多啲見面，輸多幾個盃又有乜所謂。不過喺度同隊友「沙個冧」先，畢傑嗰日對腳軟弱無力累大家輸波，緣於前夕……總之對唔住啦！
近排篤波好「弗」，〈畢賭翁〉水準都唔錯，上期畢爾包下盤食全個，今周華倫一樣得。
讓球：華倫西亞（下）
心得：維拉利爾防線唔掂
近5場往績：贏輸走贏贏
文：畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。