早個禮拜，同事Dennis先同大家提過話新一代Mazda6呢個月底正式喺香港推出；哈，點知擰轉頭我車報員就收到風，話代理將新一代Mazda6，特別提早喺明日（1月20日）於灣仔Showroom舉行預展！
今次抵港嘅新一代Mazda6，主要改動除咗外觀同車廂陳設之外，機械配搭亦係重要一環；首先，引擎由原來嘅2.0公升同2.3公升升級至2.5公升，並注入咗廠方獨有嘅S-VT連續可變活瓣正時系統，從而令耗油量及所排放出嚟嘅廢氣大幅下調，最重要係將馬力提升至170ps/6,000rpm，加上附有源自RX-8嘅AAS主動式智能轉檔系統的5前速+/-半自動波，從而令車子嘅反應比舊版嚟得更快，鍾意揸快車嘅朋友肯定好Buy。不過，代理到呢一刻都仲未肯講新Mazda6嘅售價係幾多，但都係嗰句，大約賣24萬左右喎！Fans們不妨趁明日早上11時至晚上10時呢段時間，走去灣仔Mazda陳列室睇吓囉！
記者：車報員