香港、新加坡、南韓同台灣以前被稱為「亞洲四小龍」，被西方發達國家視為經濟發展得最急速嘅經濟奇迹，經過成30年嘅發展轉型，四條小龍今時已經唔同往日。至於近10年重返娘家、得到祖家大力支持嘅香港，更加衝出亞洲。
美國《時代》周刊最近就話，今時今日嘅香港已經同美國紐約，同埋英國倫敦睇齊，成為全球最有影響力嘅金融大都會之一。
《時代》周刊指出咗三個城市原來都有唔少相同嘅背景，以前倚重製造業，𠵱家側重主力發展服務業，通過互聯網科技，三個城市基本上已經唔存隔閡，目前最重要就係留住會生金蛋嘅專才。
唔知煲呔聽到啲建議又認唔認同呢？