無綫小生林峯及上位姐仔陳法拉前晚一同擔任模特兒行花生騷，陳法拉的服裝雖然都性感，但也不敵同場一外籍女模特兒演繹的三點式，給搶去不少風頭。林峯自言腳毛多，為此推掉不少內衣及泳衣騷。
林峯及陳法拉前晚在灣仔會展為設計師KOYOWilliam08Collection行花生騷，兩人分別換上三套服裝，甚具型格地在台上搖身變成模特兒，其中陳法拉的服飾比較性感，她分別穿上毛毛領的大露背裝、銀色低胸吊帶裙及迷你裙，展露小蠻腰，盡顯她的美好身段。
雖然陳法拉大賣性感，但同場有外籍女模特兒穿上三點式行騷，身材驚人，搶盡風頭。陳法拉被問到可覺得行騷的服裝性感，她說：「唔覺得好性感。」同場的女模特兒穿上三點式行騷，身材十分標青，連有波精之稱的陳法拉也大讚說：「自己都唔敢咁着，佢身材好靚，又高我好多，不過自己都行過三點式泳衣騷，但都係公司安排，自己都好鍾意服裝設計，好有興趣。」
模特兒穿得如此性感，問林峯在後台穿插換衫，可有窺看後台旖旎春光？他笑說：「我哋喺獨立房換衫，同其他model冇乜位見到，不過見到都冇乜所謂，自己唔係第一次行fashionshow。」
腳毛多推內衣騷
問林峯可覺得尷尬，他說：「唔會，佢哋有嘅我都有。之前試過發生一件趣事，係有一次我要着條超熱褲行騷，但因自己腳毛太多，唔敢出場，最後要個設計師畀啲信心我先敢出場。」他還指自己連內衣騷及泳衣騷也不敢接，推掉的理由是腳毛太多，怕嚇倒觀眾。
採訪：卓寶花
攝影：葉君海
