話說全世界音樂銷售量年年創新低，音樂人越來越難靠音樂賺生活費，於是有個講法：玩Live啦，玩Live沒有得Download──聽Live的真實體驗是獨一無二的。
又話說因為玩音樂維生越來越難，故此出現了以下幾位音樂人/幾種理論：用Tee去賣音樂的MC仁、出碟/唱Live/廣告三合一的thepancakes及用網頁籌錢出碟的程理高！
記者：陳諾堯
攝影：陳陶鈞
MC仁：CD已死，用Fashion賣音樂
沒有再與陳冠希CLOT合作的MC仁說：「我根本不嚮往那種做事方式和態度，太過商業化，娛樂圈做甚麼最終都只是為錢。我不想做罐頭音樂，太多限制，又要講錢講版權，呢樣唔得嗰樣又唔得！我哋最需要係多啲創作平台，令大家作音樂交流。如果創作人願意同人共享，咁仲講咩版權！香港是偏向靠右的世界，太過資本物質主義，係個不公平的社會，好自由咁大食細。音樂應該大家一齊分享，應是劫富濟貧，而不是劫貧濟富！」
阿仁理論多多，他認為CD難賣多規限，食水深又暴利，所以決定用新方程式──「Fashion+音樂」。「音樂最唔暴力又最有感染力，係一個最好的平台，而是免費的，我相信任何嘢都可以用音樂去解決。我唔做求其音樂，只做自己音樂，自己講自己嘅嘢，唔要代言，要敢言！」MC仁認為人類未來的消費模式不在CD，而在免費下載，所以大膽地將MixedTape放在64MB的SD卡內，連產品一齊賣。「就咁賣一張SDMixedTape唔夠特別，連Product一齊出的Impact會大好多。」SD卡是可以洗的，如果鍾意佢嘅音樂大可以Keep，唔鍾意洗咗佢阿仁亦唔介意，好自由，唔使講版權！
扭蛋抽音樂
「宁死不屈」是MC仁和朋友因911和中東事件所成立的品牌，佢哋想大家用Fashion去做些有意義的事情。「產品質素和音樂質素應該是成正比的，可惜香港人只懂盲目消費！我哋每樣Product都係有Message的，但個Message喺邊度就要大家自己去搵。」SD卡內的MixedTape會每星期加1-2條新Track，現時有4條不同的Sound會以扭蛋形式俾大家抽，所以每件跟SD卡的Tee都可能會有唔同的MixedTape，好公平，絕對冇偶像崇拜。
查詢：宁死不屈 http://www.nsbq.org
4ECreative（24889986）元朗八鄉橫台山何歷背村25A
*所有附有SD卡MixedTape產品均要18歲或以上人士才可購買
程理高：做網頁籌錢出碟
AdrianTsing程理高正職是廣告音樂人，他在去年構思一個創新的Idea，讓大家捐錢畀佢，助他出碟達成夢想，令更多人聽到他的音樂。「我在07年尾成立了M.I.F.F.（MusicIsFreeFoundation）的組織，目的是讓所有人都能夠免費接觸到音樂。M.I.F.F.主要有三大方向，出碟、開Concert和成立MusicSchool。我在自己的Blog登出募捐戶口，大家喜歡我的音樂可以捐$1又得、捐幾多都得，集齊$10,000就夠成本印製我的大碟。令我震驚的是30日就籌到呢筆錢，最少畀八十幾蚊，最多的捐成二千銀，但大部份都係我唔識的人。𠵱家隻碟擺喺阿麥書房任攞，就算無捐過錢的都可以攞我隻碟返屋企聽，Concert就更係唔使畀錢都可以去。」他認為Music應該係免費的，唔應該有標籤、有價錢，原因係有價錢就不再是音樂。「本着M.I.F.F.的精神去造音樂，我覺得我用呢個方向可以生存到。人只是活一次，我對音樂仍是十分堅持，我相信一定有另一個方法去解決問題。」
查詢： http://adriantsing.blogspot.com
阿麥書房（28080301）銅鑼灣恩平道52號2樓A室
thepancakes賣碟出騷廣告歌
thepancakes（dejay）雖自言碟賣少了，但她顯然是香港獨立界中，唯一靠純賣音樂為生的。對她來說，音樂有三個收入來源，當中所賺取的，不但足夠讓她繼續玩音樂，也足夠生活所需。「我的唱片只賣$50一張，但由於大部份都是自己製作，所以賣碟都有錢賺。另外我會出Show，門票收入其實都用作製作，賺的是在同場賣碟，上星期個騷就賣咗200多隻；有時我又會去中學表演，騷錢得幾百，但騷後可賣些少唱片，有時甚至會到大陸出騷。」除了以上兩個收入來源，dejay偶然還會賣廣告歌，最著名的當然是九巴廣告。「去年剛賣了一首給外國Kia做汽車廣告，他們budget較大，這筆錢已經可以讓我使用好久了。」
dejay的Kia汽車廣告歌，即睇： http://www.youtube.com/watch?v=ovB1wvRCMTA
