應采兒早前一直在內地演出劇集《鳳穿牡丹》，該劇終於煞科，她急不及待回台探望父母，因為之前在內地工作，已經有四、五個月未見過雙親，不過與《鳳》劇人員相處了幾個月，當曲終人散時，始終有點兒不捨得。
「父母對佢印象好」
應采兒說：「拍呢齣劇期間，我試過冷病咗，啲工作人員對我好好，煲藥畀我食，又好悉心照顧我，呢段時間，係好感動，好多謝佢哋對我咁好。」
對於與陳小春感情，日前她在台接受訪問時幾乎默認戀情，其經理人公司中國星發言人李小姐表示：「只要佢兩個拍拖唔影響事業，公司唔會反對，據我所知，采兒父母對小春印象都幾好，但今年春節小春因為要去澳門做騷，所以應該唔會去台灣陪采兒過年。」
撰文：丁寧
