徐淑敏（Suki）憑着33.5吋驕人上圍，獲封為新一代「咪神」，她決心要在演藝上有一番作為，並以34B上圍的「愛美神飛彈」黎姿為目標，希望可以像師姐一樣有身材又有事業，隨時在眾無綫小花中彈出。
徐淑敏前年落選港姐後火速晉身娛樂圈，據知農曆年後，她獲安排加入無綫處境劇《同事三分親》，扮演江欣燕的下屬，Suki日前說：「好開心可以演到呢個劇，我入行拍過4套劇，雖然每次戲份唔算多，但我都好珍惜每個機會，希望可以改進演技。」
向阿姐偷師
由汪明荃、胡杏兒和黃宗澤主演的劇集《野蠻奶奶大戰戈師奶》，Suki有幸參演一角，她說：「阿姐係演藝界嘅長青樹，我好欣賞佢出色嘅演技同嚴謹嘅工作態度，佢喺片廠內都有同我傾偈，阿姐話我演技都算自然，雖然唔係乜嘢大讚賞，但對我嚟講已經係好大嘅鼓勵，我以後會更加努力，畀心機做到最好。」
問Suki會以那一位藝人做目標？她說：「我其實一直好鍾意黎姿，佢戲內戲外都好努力。希望有機會可以同佢傾吓偈，吸取一啲寶貴經驗。」黎姿有「愛美神飛彈」之稱，而Suki出道也獲封「咪神」，相信只要她努力磨練演技，將來在演藝事業上都有一番作為。
愛甜言蜜語
工程師男友黃重生看過Suki的劇集後會有甚麼意見，是否讚多於彈？她笑咪咪說：「大部份人都需要鼓勵，咁我都唔例外，讚賞嘅說話冇乜邊個人唔鍾意聽。」言語間暗示黃重生對她在劇集的表現讚不絕口，不過Suki表示自己也願意接受別人善意的批評，她相信接納意見才可改進。
採訪：比華利 攝影：陳慧安
髮型：BrianKan（Hair）
化妝：KathyLam（CiaoBella）
服裝：BCBGMAXAZRIA
