現年31歲嘅徐熙媛（大S）噚日凌晨喺兩名助理陪同下，現身台灣桃園機場，濃妝下仍見佢一臉蒼白，講到同仔仔（周渝民）分手，佢話：「心情很好，謝謝大家關心！與其說分手，不如說是感情昇華了，我們現在是朋友，朋友是一輩子的，謝謝大家關心，也請不要再猜原因，我跟仔仔是很冷靜的做了這樣選擇，因為我們感情很好，所以選擇當一輩子的朋友。」
姊弟戀隨緣
大S否認同仔仔發生爭執，佢話：「我是愛好和平的人。」仲話二人分手係冇第三者，都唔關李冰冰事，佢話：「沒有，完全不是外界所想的那樣子，跟你們猜的完全不一樣！」
大S過去同藍正龍以及仔仔兩段都係姊弟戀，以後仲會考慮搵年紀細嘅男生做男友嗎？佢話：「順其自然吧！隨緣隨緣，我不會預言將來的事。人生其實可以有許多選擇，不一定要當情人啊！」
問到仲有冇同仔仔聯絡，大S突然封晒嘴。對於仔仔同大S嘅姊弟戀玩完，李冰冰噚日透過經理人話：「她今天拍了一天的廣告，根本不知道他們分手的消息，至於甚麼緋聞女友，更是不可能的事，希望大家不要再提了。」