蔡一傑、倪震、作家深雪和堪輿學家麥玲玲等人，昨日到會展出席「名人明星先鋒域名計劃」，更獲大會贈送「.asia」字尾的專用域名。獲贈djremus.asia的蔡一傑，昨日透露將會於新網站公佈自己的新動向，又稱專用域名可防止有人冒認行騙。
生活片段上網
傑仔接受訪問時說：「個網會放我生活片段啦，仲有擺個討論區同留言版，雖然我懶，不過都應該會寫吓嘢嘅」。近年傳媒流行報道藝人的私人網誌內容，他則說：「擺得上網就預咗畀人睇㗎啦，我覺得放嘢上去冇所謂。」
被問到同是班霸組合的Beyond成員近日爆發罵戰，傑仔說：「我唔清楚件事，但係我覺得組合一齊相處，唔同嘅意見一定會有，我哋幾個都會鬧交啦。但係應該畀時間佢哋自己溝通吓，其他人同傳媒都唔應該再挑撥呢件事喇！」
採訪、攝影：藍文浩