胡諾言日前到加拿大一間賭場擔任甄妮演唱會嘉賓，有巨肺之稱的甄妮雖是樂壇前輩，但諾仔也是唱家班，故跟她同台合唱也不怯場。
觀眾喜愛肥仔希
日前諾仔在電話中說：「今次係TVB安排我做嘉賓，演出前都有啲壓力，甄妮咁有實力，我會驚自己表現唔係咁好，但完咗成個騷後，佢讚我唱歌幾好，叫我畀心機。呢次係我第一次正式見甄妮姐姐，之前對佢有啲驚，佢畀人感覺幾威嚴，但原來佢個人好nice，大家都會講吓環保，有共同話題。」
諾仔在多倫多逗留五日，共演出兩場，由於時間倉促，故未有機會到賭場博彩，但因當地正播映他年前增肥演出的劇集《肥田囍事》，不少觀眾仍稱呼他劇中名稱「肥仔希」，令他甚感親切。
採訪：林妃