周汶錡日前行商場騷被指嫌棄跟吳文忻同台而扭計，拒穿性感裙又臨時加價，風波後，她獲同行一致力撐。前晚周汶錡如常在灣仔行騷，對是非一度不忿，暗示有關方面「擺她上台」做新聞，之後更逐一反駁指摘。
霍震霆與兒子啓剛、啓山、何鴻燊、滙豐私人銀行亞洲區行政總裁王以智等，前晚在尖沙嘴出席瑞士領事時裝晚會，同場舉行BlancdeChine（源）及AKRIS時裝騷。王以智以黑色旗袍示人，她透露是10年前的舊衫，她說：「我呢件中國衫係10年前嘅BlancdeChine，佢哋設計好好，啲cut又好易着。」
「有人借我宣傳」
有份行騷的周汶錡日前行商場騷時，被指嫌棄跟吳文忻同場而扭計兼臨時加價，她說：「我覺得係有人將我拎嚟做宣傳新聞。」問是否不忿被擺上枱？她說：「當然係啦！」但又補充說：「其實唔係不忿，係人哋專業操守嘅問題，我同咁多間公司合作過，都冇發生咁嘅事。一般嚟講，活動前會簽晒協議書，知道工作內容要做乜、同埋流程，幫啲衫做fitting，我根本冇fit過件衫，冇可能話我拒着，求其轉咗畀第二個，又話啱晒身形。」
周汶錡續說：「同埋活動分兩part，我係負責其中一part行騷，冇理由突然話轉形式，件衫又唔同咗咁。」她又否認避與吳文忻同場，又指工作由公司接洽，不認識負責活動的黃百鳴女兒。
文忻同場不迴避
此外，吳文忻前晚在灣仔出席品牌ThomasSabo活動時，提到是否遭周汶錡嫌棄，她說：「係咩？吳文忻遭人嫌棄咁犀利，娛樂圈唔係唔妥呢個就係是非緋聞，呢啲一定有。」她謂日後選工作也不會刻意避免與周汶錡同場。
採訪：RitaLeung、CamelLok
攝影：ChanChiLam、ChenWaiOn
