陳敏之、莊思敏和動漫Maggie昨日在尖沙嘴出席商場活動，在寒冬下陳敏之和動漫Maggie穿泳衣襯短裙亮相，莊思敏則穿肚兜裝，露出白滑玉背。三人異口同聲表示非常寒冷，但酬勞高就沒所謂。
莊思敏男友開通
昨日是陳敏之牛一，要工作中度過，她說：「生日梗係搵錢啦，咁會旺啲，而且噚晚都同朋友慶祝咗，今日就同屋企人食飯。」問到男友有沒有送禮物？她避忌地說：「我收咗好多朋友禮物，男女都有。」
露出玉背的莊思敏透露今次用了nudebra，問男友吳浩康會否介意她性感？她說：「冇喎，做嘢冇所謂，而且我哋唔講工作。我覺得露後面，冇露前面咁性感。」至於男友是否很開通？她說：「我估係啩，平時我出街都係背心短裙，我唔覺得性感。」另外，動漫Maggie謂入行後賺錢多了，新年想請家人旅行。
採訪、攝影：王連連
