【本報訊】「細細個群到班人好咪好囉，中學群到班唔好嘅，就自然唔好啦！」考試前夕仍然通宵燒烤作樂，結果踏上死亡之旅的黃曉妍父親如是說。
同伴未脫危險期
前日凌晨在大埔新娘潭路兩名13歲女童一死一危殆車禍中，死者黃曉妍的父母昨日到沙田寶福山，為女兒的後事奔走。黃父將慘劇歸咎於社會風氣不良、教育制度不妥善和誤交損友，令女兒有太多餘閒時間打機、「夜蒲」、識壞朋友。他無奈說：「又唔可以唔畀佢出街……如果知道佢有朋友識揸車，就唔畀佢去。」
這個「非常父親」因為曉妍無心向學，又經常遲到，上月亁脆替她向學校請假一個月，希望她留在深圳家中修心養性，直至上周一期考才返學，黃父怨嘆，女兒不回港考試便不會有事。
黃母指出，女兒升中學後轉變很大，喜愛打扮、愛去夜街，但她聲言一向關心女兒，而且「佢身邊大部份朋友我都識，吳欣殷係近期最friend的一個。」他們已經將愛女的眼角膜及背部皮膚捐出遺愛人間。
傷重的吳欣殷至今仍然未脫危險期。吳在新界婦孺福利會梁省德學校下午校畢業，積極參與課外活動，曾獲校內的卡拉OK比賽及傑出女演員獎。
兩人就讀的孔教學院何郭佩珍中學，校方昨向全校同學宣佈噩耗，輔導老師、社工及心理學家在場協助。教統局發言人稱，當局已派出教育心理學家支援學校的危機處理小組，現階段死傷者同學的情緒尚算穩定，輔導人員會繼續跟進。