葉翠翠噚日去咗花墟出席漁農美食嘉年華，雖然天氣凍凍哋，不過佢只係着咗一件短袖衫。翠翠話覺得花可以代表運氣，買花返到屋企一開就好似行緊好運咁，所以佢成日會行花墟。問有冇男仔送花追佢，翠翠就話其實每日送一支玫瑰畀自己就會好開心，唔一定要名貴禮物，不過最緊要夠恒心喎。