謝霆鋒和徐小明昨日以「全民健身之星」的身份到尖沙嘴出席奧運倒數計時200日「全民健身迎奧運」發佈會，劉鑾雄女友呂麗君擔任活動的籌委會主席。甚少在公開場合發言的呂麗君表現緊張，面對記者提問更顯得避忌，問到是否因為囡囡漸大才抽空支持，她說：「係呀，不過今次唔講呢啲，以我所知嚟緊100日都會有活動。」
霆鋒夥學生練武
穿上白色中山裝的謝霆鋒就感冒纏身致喉痛兼聲沙，他下周一（21日）會聯同數千名學生及六位北京奧運武術香港代表一同演練「中華武術健身操」，是次表演更會輯錄成DVD派發給全港的中小學校，霆鋒坦言今次的演出壓力大過拍戲，他說：「𠵱家已經練緊，老婆（張栢芝）都識一半，佢仲唔畀我睇住碟練，至於囝囝就要隔多兩年先教佢。」
採訪：駱華齡
攝影：陳順禎