AC重拾光芒，阿仙奴有難咯
油王拖女度假，車仔重上正軌
英超下游隊護級靠打亂章
利記迎盧頓，讓到[-2]波友小心
愛華頓同布力般點止爭做5哥
最新動態
現今足球管理，唔係話有錢大晒，當然本地班霸南華場場贏波後大派十數萬元獎金，就另當別論；但英超車路士喺班主阿巴莫域治嘅油元打造下，非同凡響。
最好嘢係佢班𡃁喺英超快車期，抵住嚴寒打生打死；41歲阿巴就喺加勒比海揸住架豪華遊艇，攬住23歲新歡茹高娃，大玩纏綿遊戲，但隊波戰績依然出色，有時唔使阿頭事事干預，最重要信得過班好伙記。
作為全英最富有排第2位、坐擁110億英鎊身家嘅阿巴，視錢財如糞土，拋棄妻兒，估計要分一半身家畀對方；揸住呢架車仔，年年揼水，前鋒位位頂級，一話有兩件去踢非國盃，嗱嗱臨買埋安歷卡返嚟，走短線，冇人快得過車仔；但係老細激情過後，有誰預料車仔同女模新歡嘅命運？我還是喜歡費格遜與曼聯同雲格與阿仙奴，嗰種細水長流，十幾廿年後，越嚟越濃嘅關係。
不過作為男人，我寧做阿巴勝過法國總統薩爾科齊！
蘋果波神
英超波癡有一個心願，5月話你知！