喺馬路上遇過好多司機，不論慢、中線有無車都好，硬係鍾意Keep住快線嚟行，查實交警已有權抄你牌！除非中線有車龍頂住你，否則爬完頭便應盡快駛回中線或慢線，唔好長期佔用快線。我每次入親機場，總喺北大嶼山公路遇到呢類快線司機，最死佢又蟻躝咁拍住隔籬線慢慢行，一字排開咁玩花車巡遊，認真阻住地球轉喇。