莫可欣和男友方中信今年會生鼠BB，距離預產期尚有6個月，BB最快明年才可入讀學前班，但準媽媽可欣卻心急為腹中小寶貝張羅名校的入學章程，準爸爸方中信卻緊張BB性別，以便改個好名字，讓孩子一世順利。雖然生仔生女都沒所謂，方中信卻笑言希望生女會如徐子淇般好運嫁個好老公。
莫可欣和男友方中信拍拖12年，二人非常恩愛，女方上月親證懷有3個月身孕，預產期在今年6月，他們打算一個夠晒數，以便集中火力去栽培孩子成材。
緊張BB性別
可欣發現有孕後，每天都以開朗心情期待BB出世，對於外間盛傳方中信不太願意接受當爸爸的事實，她前日在尖沙嘴接受本報訪問時否認：「唔會，我同方生都好開心，佢𠵱家喺北京拍緊電影《時尚先生》，佢仲緊張過我，成日打嚟問我幾時照到BB性別，佢想幫BB改個型啲嘅名。」可欣笑言方中信恨生仔，她說：「方生話如果我生女，佢擔心女仔大個易蝕底，不過佢又話如果生着個女似徐子淇，嫁咗個好老公又唔拘，其實我哋仔女都咁鍾意。」
始終唔怕生壞命，最怕改壞名，可欣說：「我哋會等BB出咗世，然後夾番佢時辰八字搵師傅改名，方生英文名係Alex，我嘅英文名有Y字，所以就想BB英文名有晒A字同Y字。」
體重逾130磅
雖然距離預產期尚有6個月，可欣已十分心急，她說：「我呢排同朋友傾吓BB將來嘅教育問題，我搵咗好多資料睇，好多好學校話BB一攞到出世紙就要去報名，所以我都開始鋪定路。」
身邊友人紛紛勸告可欣不要太緊張，她說：「放心，我會每天都保持心境開朗。」懷孕期間，她遵照醫生吩咐，盡量進食有營養食物，體重已超過130磅的她說：「我都覺得自己呢排肥咗好多，或者等BB穩定啲，我會諮詢醫生意見後做吓瑜伽。」
採訪、攝影：比華利
