演藝人協會於上周五選出第8屆理事會幹事，結果由譚詠麟（阿倫）接曾志偉棒做會長，陳奕迅（Eason）、劉德華及張權等四人則任副會長。阿倫昨日與黃日華及梁漢文等明星足球隊成員，於長沙灣參與「資訊科技界運動同樂日」，喬寶寶在阿倫面前唱《愛情陷阱》，引來一陣笑聲。
華仔盼等兩年
對於成為演協會長，阿倫說：「因為佢哋想以後有多啲歌手參與，希望我號召歌手入會，所以拉咗我落水，曾志偉做過已經唔可以再連任，雖然我今年都好忙，不過志偉話會幫我頂住，原先大家諗住搵華仔做會長，但華仔話畀多兩年時間佢，兩年之後佢一定會做，咁我頂住先啦！」
另外，Eason昨日出席港台頒獎禮時，搞笑謂叫人入會沒難度，他說：「啲人唔肯入會就搵張敬軒啦，佢語言能力好好，搵佢同王菀之一齊去講。」
採訪、攝影：魯萍、王連連