模界一姐周汶錡前日行商場騷時被指諸多扭擰，拒穿性感衫及臨時加價。熊黛林昨日行騷後力撐同行，指不信周汶錡要求多多，更表態指做模特兒應有自己立場及底線，並講明為男友着想，會拒絕暴露，更推卻高價內衣廣告。
為期四天的「香港時裝節秋冬2008」，昨日在灣仔會展揭幕，香港今年協辦08奧運馬術賽，昨日DorianHo設計的「躍動UPS時尚之旅」就大玩噱頭，以馬術做主題，由八個名模包括熊黛林、姚書軼和陳逸旋等示範八套服飾，童愛玲、郭秀雲、李樂詩捧場睇騷。
「太性感都唔得」
周汶錡前日行商場騷時被指諸多扭擰，拒穿deepV裙及臨時要求加價，熊黛林昨聞言對此說：「我唔會，我每次接job都好小心，太暴露、太性感都唔得。」外國名模及香港名模如姚書軼為專業一樣露點，但熊黛林則堅守胸前兩點說：「Model唔代表要露點，內衣騷我都唔會再接，因為男友、男仔會在乎呢啲嘢。」
力撐周汶錡立場
至於有指周汶錡拒穿deepV裙？熊黛林說：「我唔信，可能嗰啲衫都有問題，每個人都可以有自己意見、立場同底線，可能佢想保護自己啫。我一年接咁多job，都會有唔適合嘅。」
問是否為男友拒性感，郭富城有投訴？熊黛林說：「唔係。」怕影響另一半？她說：「有少少，有呢方面原因，我唔係小女孩喇，要更小心。之前都有內衣公司搵我，畀好高價錢，不過都冇接到。」周汶錡以每場騷5萬元冠絕全港，熊黛林則說：「唔同演出，唔同性質，酬勞都唔一樣。」
採訪：JessicaNgan
攝影：ChanChiLam
