有市民購入貴價木耳後，一經泡浸，發現木耳佈滿疑似霉點之黑斑，擔心木耳偽劣有害。有亁貨業內人士估計，木耳價值不高，罕有聽聞偽造，相信是採摘曬亁過程沾水，致有黑斑。
料曬亁過程曾沾水
鍾女士早前到九龍城專售亁貨的「好東西」店，以60元購買6両「野山木耳」，「好鍾意木耳爽脆口感，見佢賣得較一般木耳貴，諗住質素會更好，但浸泡之後，隻隻木耳都有啲黑斑點，好似發過霉，唔知係咪假！」鍾女士強調，過去食用之木耳，浸泡後俱未見類似斑點，擔心進食後影響健康。
「好東西」東主黃先生強調，該款木耳為野生，有別市場人工培植產品，「人工培植嘅白背木耳，20幾蚊有一斤！呢種野山木耳無經過漂洗，每隻都有呢種天然木耳紋，對人體無害！」他指，職員在出售該類木耳時，皆會解釋野山木耳賣相有別於坊間人工培植木耳。
香港海味雜貨商會主席麥澄波看過記者提供泡浸過的野山木耳照片後估計，黑斑是木耳曬亁過程中，曾被水點沾濕或淋雨造成，應對人體無害，「只係食起嚟唔好睇，但偽造可能就唔高，因為木耳唔係貴價亁貨。」
檔案編號：1124012