立法局「新九組」票后、前衞生福利司黃錢其濂回歸後移民澳洲，專心寫小說，近日返港月旦時事，接受訪問時直指香港政治環境好畸形，政府獨攬大權，所有議員實際上都係反對派，民主派更被人標籤為反對派，好無奈。
佢喺澳洲生活多年，對香港非驢非馬政制自然睇唔順眼，佢話喺未健全嘅政治環境下，有反對派制衡政府係好事，事實上香港反對派言行好「小兒科」，同澳洲反對黨比較，真係馴過澳洲啲綿羊。
佢贊成港府引入政治問責制，畀黨派、議員加入政府，雖然轉折啲，但總算有機會畀公眾參與制訂政策。
黃錢其濂自言當年退休後，好多公司高價請佢，佢最後決定參選做議員，繼續服務市民。佢以前係前綫成員，反對臨立會立場至今不變，回歸一刻「落車」，之後退出香港政壇，佢話好馬不吃回頭草，喺高峯同掌聲中退落嚟，最體面同有趣。