【本報訊】代表林建岳的資深大律師胡漢清表示，外國有很多超速駕駛的案件都不會單靠雷射槍的結果作判決，慶幸事件引起公眾關注有關問題；又說擁有逾30年駕駛經驗的林建岳只收過三張「牛肉亁」，是一名奉公守法的人。
31年來只收3牛肉亁
胡漢清昨接受本報訪問時表示，尊重法庭判決，指出外國有很多地方在審理類似案件時，不會只以雷射槍的結果而作出判決，「個專家嘅證據畀控方證人睇嗰陣時，係覺得個雷射槍呢個準確性要有一個好重要嘅指引。因為雷射槍入面個技術上要有好多條件，有自己官方警察嘅指引，喺使用前有幾個測試，喺距離上、喺攞個瞄準器上，因為交通有好多車喺隔籬，好容易攞錯對象。」他認為有關做法需要檢討。
他慶幸事件能夠引起公眾關注，加強公眾討論及認識警方使用雷射槍偵測車速的問題；亦認為法律是人人平等的，「我覺得呢樣嘢同貧富無關係嘅，即係法律嘅門檻係永遠開喺度嘅，例如有法律援助。」
胡漢清透露，林建岳一直承認自己有超速駕駛，亦無要求撤銷控罪，「佢係認咗修改嘅罪，亦都扣咗分、亦都罰咗錢，所以係佢對呢個法律上有交代。而控方個案情已經講到明佢由77年到𠵱家31年車牌，未曾試過有任何嚴重交通（意外），只收咗三張牛肉亁，佢係一個奉公守法嘅人。」