幾位泛民議員前日公民抗命喺民間電台開咪，煲呔政府強政勵治，佢哋都有心理準備被控告做烈士，卿姐未雨綢繆，事後即刻做準備工夫，唔係洗定「八月十五」等入冊，而係隨身帶備牙膏牙刷。
卿姐話咁做係怕突然俾差人拘捕，去到羈留所都有私伙牙刷。點解只帶牙膏牙刷，唔帶其他日用品呢？佢話如果真係要拎其他嘢，隨時拖個篋出街都得，不過冇可能咁做，取捨後決定帶牙膏牙刷就算。
卿姐又話唔怕坐監，但警告執法人員唔好濫權剝佢光豬搜身。
卿姐表示近年言論空間越來越少，唔可以喺電台烽煙節目暢所欲言，如果連民間電台都被迫收檔，民主派恐怕更少發聲機會。