楊采妮（Charlie）昨日以代言人身份，出席護膚品牌MarjorieBertagne於將軍澳東港城的新店開幕活動，Charlie狀態甚弗，原來自有一番保養心得，她說：「最緊要係開心，平衡心態，每日都會遇到唔同嘅事發生，我嘅座右銘係控制唔到出面啲人，就要控制自己嘅心態，我修煉緊保持平常心、保持心境開朗，你問我有乜唔開心嘅事，我都唔會在意，而外在就要靠媽咪煲嘅湯水。」
由驚變上癮
剛於澳洲大堡礁度聖誕的Charlie，受到徐克與李心潔的影響首次學潛水，令她大感難忘，她說：「好開心，今次係我第一次潛水，有啲驚，每年都想做一樣未試過嘅嘢，今次係第一次感受到海底世界靜晒嘅一刻，真係會上癮，我會繼續玩，仲想考牌。」記者笑指Charlie快些找個男友與她一同分享寫意人生，她即笑說：「好好好，我都想，承你貴言啦。」
採訪、攝影：LawWaiMan