96年暑假參加學校嘅遊學團，喺北京讀咗1個月書，其間發生咗3件大事（我認為係）：第1件係李麗珊攞奧運金牌，而另外兩件，就係偶像舒利亞由布力般過檔紐卡素，同埋碧咸半場笠死溫布頓（𠵱家叫米爾頓凱恩斯）龍門蘇利雲。眨吓眼就過咗12年，李麗珊同舒利亞都退咗役，冇再玩滑浪風帆同踢波，而碧咸則由英超踢到西甲，再由西甲踢到美職，好彩個靚仔樣冇乜點變。
記得喺個遊學團臨近尾聲，有次食完飯，同學Aurea問10年後我哋會做啲乜，結果佢做咗空姐，而我，就做一份當時喺香港仲未有嘅工──喺報紙度寫波經畀貼士。雖則我係日本波燈神，連愛隊浦和紅鑽都畀我貼瓜，好在貼英國波算係有啲水準，好，今次再推介同我好夾嘅阿仙奴。
讓球主客和：阿仙奴勝[-1]
心得：阿仙奴同我啱key
近5場往績：贏輸輸輸贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。