湯盈盈和商天娥昨日拍攝無綫新劇《師奶股神》，湯盈盈大爆前一天拍攝被商天娥用手指篤頭的戲份，昨日她即報復向娥姐擲番茄，結果娥姐慘被弄傷右眼骨。
湯盈盈、商天娥、滕麗名、劉玉翠和林嘉華昨日在深水埗拍攝無綫新劇《師奶股神》，劇情講述商天娥被邨民誤會是騙子，結果慘遭數十街坊擲菜圍攻。
借用媽咪衣服
商天娥被人用菜、雞蛋和垃圾圍攻，站在鏡頭背後的湯盈盈也落力地向她擲番茄，結果商天娥被弄傷右眼骨。湯盈盈說：「我其實都係幫工作人員手掟番茄啫，佢（商天娥）噚日有場戲都鬧我同篤我個頭，今日輪都輪到我糟躓佢啦。」她又透露借用母親的私伙衫，她說：「啲人成日都話我同媽咪好似，我專登問媽咪借咗兩袋衫拍套劇。劇中講我成日扮到好似好有錢，所以我會着到五顏六色，化妝都會師奶啲。」
商天娥被弄至一臉蛋漿，提到湯盈盈向她擲番茄復仇，娥姐說：「我噚日唔係篤佢個頭，係篤佢個太陽穴啫，唔篤佢，佢又點會傷心，我都係幫佢投入做嗰場感情戲。我最初以為淨係俾人掟個身，𠵱家掟到成面都係，不過導演都係想營造喜劇效果，我唔介意。」
採訪、攝影：卓美娟
