有時不得不佩服歌神許冠傑，一首廿幾年前嘅「加價熱潮」，到𠵱家仲緊貼時代，「煙加、酒加、屋租加、巴士加、的士加、多士芝士乜都加」。
早幾日行街，去間比較靚嘅茶餐廳，食個快餐都要四十皮，菠蘿包都五皮一個，而且大陸出口原材料更加係日日高，睇嚟加價潮喺農曆新年後會更厲害。
好在香港地肯努力，有份工都應該唔會餓死；睇番英格蘭，盧頓一破產，反而好多人冇份工；講真盧頓陣中，有啲表現嘅都被挖走，留得喺度嘅，個心都去咗下周二作客利物浦嘅英足盃補賽度，一吓唔覺意贏波，球隊又有過百萬鎊落袋，起碼多個月糧出，就算輸，都要輸得好好睇睇，博其他球會請；周六主場對史雲斯，仲邊有心情踢，史雲斯十一場不敗，讓平\半梗要捧。
讓球：史雲斯（上）
心得：盧頓個心去咗鬥紅軍
近5場往績：輸輸輸贏贏
牽牛
施丹退休，頓感失落，期待阿仙奴的法比加斯他朝有此神乎奇技。