大家都無可否認環保車絕對係現時嘅大趨勢，加上政府大力支持，出部環保車又真係平啲又慳啲，若然部車仲係七人或八人車就更加實用喇！日產於舊年年初推出咗Serena環保車之後，即時大受歡迎，為咗延續呢個優勢，日產於月初引入Serena2008年全新版本，加入大量新裝備以及新偈，廠方仲強調其「長廊」賣點，名副其實青出於藍！
記者：梁美甜
玩得起環保車
Serena環保車於去年年初推出市場即大受歡迎，最大原因係政府對環保車嘅優惠所致，加上Serena係七、八人中型多用途車，對一般家庭而言實用兼耐用，最盞係慳番唔少吖嘛！全新2008年版更換上一體化嘅車身設計，由車頭大燈，到電鍍鬼面罩同泵把設計都統一，令造型更突出兼有個人風格。內裝方面亦加入幾樣新元素，好似首次引入防水物料作座椅原料，去蒲去玩、甚至帶寵物出街，又或誇啲同Honey去潛水都唔怕整污糟部車嘛！仲有個「拉闊中央穿梭長廊」，將中排座椅推前拉後，變成大到暈嘅通道，放部單車都得，邊排乘客出入都無問題，認真盞鬼！車迷都可以落代理睇吓呢部環保Minivan嘅真身㗎！
日期：今、明兩日
地點：日產九龍灣陳列室
查詢：22621088
時間：10am-8pm