劉德華背後的女人朱麗倩早前在華仔演唱會現身支持，華仔又暗示朱麗倩是他的天使，身為華仔好兄弟的苗僑偉（三哥）同樣為華仔着緊，公開支持華仔成家立室，盡快生兒育女。
對於劉德華暗指朱麗倩是「我的天使」，有意公開女友身份，身為華仔好兄弟的苗僑偉也表示支持，更鼓勵華仔成家立室，昨日三哥在將軍澳電視城出席新劇《疑情別戀》開鏡拜神時說：「華仔朋友我梗係識，識咗好耐，係咪管家婆？我知佢係一個好女仔，都係一個好嘅管家婆，不過唔知佢係咪管華仔嘅管家婆。」
結婚一定公佈
作為好朋友，好兄弟，三哥好着緊華仔的終身大事，他說：「我催佢好耐喇！我仲催佢生仔，我叫佢有仔趁嫩生，不過呢個都係我單方面，一個男人事業有成，應該有個家庭，我好鼓勵佢，不過佢自己都話結婚生仔佢會講畀大家知。」
袁詠儀（靚靚）拍攝《疑情別戀》期間，多了一個花名叫「笛子姑娘」，她說：「呢個新朵，係因為我成日催人快啲，一日到黑係咁催，所以個廠經常可以早收工。」
靚靚百病纏身
靚靚表示拍劇期間不停病，她懷疑因為冇拜神，所以不吉利，她說：「我真係要誠心啲，拍呢套劇係咁病，一開始就鼻敏感，鼻水係咁流，搞到鼻竇炎，然後上支氣管炎，之後連把聲都冇埋，又感冒又腸胃炎，係咁睇醫生，從來唔會claim保險嘅我，都要問保險有冇得claim，點知睇專科係冇得claim。」
採訪：楊潔雯
攝影：陳順禎
