現年29歲嘅英國巨胸模特兒佐敦（Jordan），上個月先至做完縮胸手術，由極誇張嘅32FF減至32D。
全家遊昆士蘭
不過佐敦點會淨係為個胸着想吖，英國傳媒近日就發現佢嘅勾鼻，突然間變得又挺又直，網友喺比較之下都覺得𠵱家嘅佢好睇好多。
日前佐敦一家大細現身澳洲昆士蘭shopping，除被發現個胸縮咗之外，個樣都唔同晒，個鼻由勾變直，相信係佢早前去加州縮胸時順便整埋個鼻。英國報章《每日郵報》就爆料，話呢個鼻部整形嘅手法大約需要7萬7千港元，計落一啲都唔平。但網友DVanes就留言：「所有人都睇到佢整過鼻哥，真係好睇咗。我知道有好多人唔鍾意佢，但我愛佢。反而最想佢改變嘅係佢把核突頭髮。」
有讚當然有彈，Lucy就話：「邊個關心佢整個鼻喎，佐敦已經唔係第一次整容啦。」又有網友指佐敦本身嘅勾鼻冇大問題，反而縮胸係最正確選擇。
原來佐敦老公PeterAndre都好擔心佢整容整上癮，驚佢變咗做第二個米高積遜（MichaelJackson），所以阿Deep都奉勸佐敦整容都係適可而止。
版主：網盜王尊尼Deep
本欄逢周一至五刊出
網址： http://www.dailymail.co.uk/pages/live/articles/showbiz/showbiznews.html?in_article_id=506615