吳亭欣（LuLu）早前與袁文傑到日本拍攝旅遊特輯《愛在異鄉的季節》，二人扮演情侶遊歷日本東北紅葉季節以及多個溫泉勝地，LuLu更自爆浸溫泉期間被一班阿婆抽水，嚇得她急急腳走人。
吳亭欣在亞視經常有機會拍攝旅遊節目，她早前便與袁文傑到日本取景浸溫泉，LuLu表示今次日本東北之旅最開心，她說：「最特別係去日本唔使點用錢，因為日本東北係冇得shopping，最主要係sell風景同浸溫泉，嗰度風景真係唔錯，真係好浪漫，好適合情侶一齊去。」
在該旅遊節目中，LuLu與袁文傑扮情侶，她說：「又係扮情侶，又係話我有啲少女情懷暗戀人。唉！算喇！都係做多幾年少女，我要好好珍惜。」
浸溫泉浸到驚
日本東北以浸溫泉做賣點，LuLu說：「所以我日日都要浸溫泉，拍嘢一浸就個幾鐘，真係浸到我頭都暈，浸到驚，不過，嗰度好多浸溫泉地方，啲景好靚，其中一個係望住太平洋，又有海鷗，嗰日袁文傑仲有感而發，心血來潮，要親親大自然，話自己都要曬一曬隻海鷗，所以除晒浸溫泉，我就梗係走夾唔唞，唔同佢癲喇！」不過LuLu也披着毛巾浸浴一番，十分寫意。
自動請纓擦背
提起浸溫泉，LuLu自爆一件被抽水趣事，她說：「你知啦，浸溫泉入面，係得一個共用浴室，今次去拍嘢，我唔想撞到工作人員或者香港人，已經揀凌晨5點去冲凉，點知冲冲吓有班阿婆兵團衝入嚟，見到我仲無端端係咁摸我，又嘰呢咕咾咁，嚇到我死，於是急急腳走人，之後我同工作人員講，原來呢班阿婆係歡迎我想幫我擦背，等我仲嚇餐死，以為佢哋好少見後生女，想摸吓我！」
採訪：楊潔雯
