楊思琦昨日以束胸內衣配襯短紗裙，在中環擔任一內衣店嘉賓。不過思琦所穿的內衣比較密實，被一眾穿上T-back及胸圍的模特兒搶去不少風頭。談到美胸方法，思琦透露現正選購矯形內衣和搽美胸lotion，以抗地心吸力！
楊思琦聯同一眾模特兒昨日在中環一間內衣店示範新春夏內衣，由於幾位模特兒都穿上T-back及胸圍，站在玻璃窗前示範，吸引途人駐足觀賞。
性感不及模特兒
不過楊思琦身穿價值2,500元的喱士束胸內衣及黑色紗裙，性感程度不及一眾模特兒，她透露所穿的內衣是工作人員一早安排好的，加上她還未接受行內衣騷，就算酬勞加碼都不會答應，她說：「今次嘅酬勞已經好好，有5位數字，呢一刻我接受到行泳衣騷，內衣騷都未得住，我鍾意用視覺去欣賞靚嘅內衣多過自己示範出嚟。」
思琦被問到會否為男友李泳豪挑選特別款式的內衣，她有點尷尬地說：「總之我會揀啲自己鍾意嘅款式，自己睇到都開心啲，內衣對一個女仔好重要，因為始終有地心吸力，我𠵱家都開始睇定啲矯形內衣同埋都有搽啲firm胸部嘅lotion。」
農曆新年買紅底
當記者再追問楊思琦有否叫男友陪同揀選內衣，她再次避開話題說：「我會叫番女仔朋友陪我揀女仔嘢，我唔鍾意叫男仔陪。」最後思琦透露喜歡一些款式簡單的內衣，她說：「我着特別服裝時先配番啲特別嘅內衣，平時就會買啲簡單款式，T-back都只會着晚裝時着，新年時我就會買一套全新嘅紅色內衣褲。」
採訪：李珮洳 攝影：陳志嵐
