【本報訊】主辦今年奧運馬術項目的香港，遭受挫折。馬術運動強國瑞士以香港潮濕悶熱為理由，公開宣佈退出奧運馬術盛裝舞步項目。香港奧委會會長霍震霆表示，希望運動員回心轉意。
有馬術界人士質疑，瑞士隊可能因為參賽馬狀態欠佳，找藉口退出比賽。
霍震霆昨日回應稱：「了解到呢個係個別運動員決定，少一個梗係冇咁理想喇。上年8月舉辦過預賽，國際奧委會都好表揚我哋方面嘅表現。其實過去嘅雅典奧運氣溫仲熱，唔知點解瑞士有咁嘅決定。」他表示，月底會出席瑞士國際奧委會會議，屆時會順道向瑞士馬術隊了解詳情，也希望對方回心轉意。
熟悉馬匹習性的多屆香港冠軍練馬師簡炳墀，對瑞士的決定表示並不驚訝：「香港賽馬有時舉辦國際賽，都會有外國代表退出比賽。香港8月嘅悶熱天氣，對馬匹係有多少影響，不過應該好輕微。」
疑參賽馬狀態欠佳
香港馬術聯會行政委員楊淦更認為，去年測試時香港受颱風吹襲，瑞士隊可能因此以為條件不佳，「匹匹馬都係酷熱天氣下作賽，唔會話你好啲或者佢好啲，嚴格來講都唔係咩理由。或者係佢隻馬唔fit，就順便用呢個理由……係我諗㗎咋！」
香港賽馬會也發表回應，表示馬會在興建奧運馬術比賽場館之前，已諮詢過國際馬聯及國際著名專家的意見，在興建場地時已考慮到香港的天氣情況，並已採取多項措施，務求將炎熱潮濕天氣對馬匹造成的影響減至最低。