同濱崎步分手嘅尊尼組合TOKIO成員長瀨智也，早排被影到同劇集《歌姬》拍檔相武紗季撻着。正當兩人戀情鬧得熱烘烘之際，近日網上忽然流傳多張相武同圈外舊男友合拍嘅親密貼紙相，似乎有心為相武嘅新戀情贈興。
蹺手錫錫
雖然呢批貼紙相大約喺兩年前拍嘅，當日相武同男友到廸士尼樂園拍拖後，就一齊去咗影貼紙相留念。玩到非常興奮嘅相武，同男友喺鏡頭前蹺手合照，又擺出錫錫甫士，甜蜜之情滿溢。至於另一張就係相武同另一名男友睇完戲後所影嘅。
唔少網友睇完啲相後，都話估唔到外形清純嘅相武原來男友多多。事實上，今年22歲嘅相武紗季，向來有「尊尼殺手」之稱，以往曾經同尊尼組合NEWS成員錦戶亮同山下智久傳緋聞，睇嚟相武對靚仔特別情有獨鍾。
版主：網盜王尊尼Deep
本欄逢周一至五刊出
網址：
http://bbs21.meiwasuisan.com/bbs/bin/read/geinou/1199689703/