華倫西亞08年繼續頭頭碰着黑，繼上周五文奴費南廸斯酒吧醉酒鬧事，周二新加盟嘅賓尼加捲入性醜聞後，教練朗奴高文日前開車離開球場嗰陣，座駕被憤怒球迷包圍，結果車窗玻璃都碎埋。祖亞昆周二好無奈咁講：「我哋啲麻煩嘢已經夠多喇！」不過同教練朗奴高文反咗面嘅前隊長艾比達，就肯定係最心凉嗰個嘞！