李司棋（左）噚日去咗紅磡一間酒家出席「新年敬老千人下午茶聚」，表演給老人家欣賞。講到《溏心風暴之家好月圓》就快開拍，今日開會收劇本，司棋姐話：「因為要配合劇入面唔同年代嘅造型，之前試咗9個髮型，應該要戴假髮。」另外，蔡少芬後日結婚，司棋姐會送上利是，佢話：「畀利是，咁會實際啲，鍾意買乜嘢都得，到時我可能會去飲。」