23個國際中華小姐候選佳麗，前晚喺徐州業華生態園餐廳拍攝試食同整薄餅環節，眾佳麗當中以蒙特利爾佳麗23號李婷佳最出位，雖然佢手勢差，但推銷功力一流，連監製錢國偉都讚佢：「明明唔好都講到好。」李婷佳好開心咁話：「我飛吻係意大利人代表好好嘅意思，因為我爸爸係意大利人，佢識整薄餅㗎。」