內地搜狐網搞咗個《中國改革開放30年經濟百人榜》，選出對內地由閉塞嘅計劃經濟，走向市場經濟主導過程中，最有貢獻同代表性嘅100位企業家同學者。除咗唔少近年內地富豪同大企業阿頭上榜之外，仲包括幾位香港有錢佬。百人榜中，姓王嘅有9位上榜，其次係姓馬嘅，佔7個。至於女性都有幾位，評語方面都有別號，好似「鐵姑娘」、「女強人」、「鋼鐵女人」呀咁，但就偏偏冇超人、即係你同我都熟悉嗰位李超人呀！
馬雲
上榜當然唔係因為阿里巴巴（1688）帶挈散戶賺錢，根據搜狐嘅評語，馬生係最早喺中國開拓電子商務應用嘅企業家，最重要係佢一直堅守互聯網領域。
李寧
雖然喺體操場上跌過，今日人到中年、髮線上移，但喺中國人心中，佢係永遠嘅體操王子。佢創立民族體育品牌，結束中國運動員喺奧運會上着來路貨嘅歷史。
張茵
雖然中國女首富之位俾碧桂園（2007）太子女楊惠妍取代，但從回收廢紙中白手興家，搜狐用中國「循環經濟」發展踐行者嚟形容。華華就話，單憑喺廢紙中發達呢一項，已經夠份量成為中國同胞偶像。
霍英東（已故）
唔使多講，淨係「愛國商人」呢個朵，數中國經濟名人，點可以數漏霍老。佢老人家嘅故事固然為人津津樂道，佢後人嘅花邊新聞，更加係一代比一代吸引。
曾憲梓
你老竇後生時，可能唔識Dior、Gucci，但講到金利來領呔，就係人所共知嘅名牌。佢老人家靠一把剪刀起家嘅故事，後生仔可能冇聽過，但年過三十嘅就應該聽過佢新抱嗰首名曲《一人有一個夢想》。
邵逸夫
年過百歲嘅邵sir，係全球年紀最大嘅上市公司主席，喺中國電影史上寫下多個「第一」，亦係一個大慈善家，每年攞成億出嚟支持大陸公益事業。華華認為，佢最功德無量係，為無數後生仔創造明星夢。
中國改革開放30年經濟百人榜
‧阿里巴巴主席馬雲
‧已故國務院發展研究中心名譽主任馬洪
‧騰訊總裁馬化騰
‧中國平保董事長馬明哲（圖）
‧前石家庄造紙廠廠長馬勝利
‧前吉林省三岔子林業局局長馬輝普
‧招銀行長馬蔚華
‧海南省委書記衛留成
‧奇瑞汽車董事長尹同耀
‧萬科董事會主席王石
‧已故北大方正董事長王選
‧王碼集團董事長王永民
‧台塑董事長王永慶
‧前無錫漂染廠廠長王永壽
‧許繼集團董事長王紀年
‧鄂爾多斯羊絨董事長王林祥
‧中國保險業協會會長王憲章
‧大連萬達董事長王健林
‧中科院科技政策研究員牛文元
‧青春寶集團董事長馮根生
‧昌寧集團董事長石山麟
‧巨人投資董事長史玉柱
‧中糧集團董事長寧高寧
‧中星微電子主席鄭中翰
‧北大光華管理學院名譽院長厲以寧
‧新希望集團創辦人劉永行
‧中國醫葯集團董事長劉存周
‧中國社會科學院顧問劉國光
‧傻子瓜子公司創辦人年廣久
‧人大常委會副委員長成思危
‧東明商業集團總經理關廣梅
‧華為技術總裁任正非
‧中國政法大學教授江平
‧駿豪集團主席朱樹豪
‧李寧體育董事長李寧
‧吉利控股董事長李書福
‧TCL集團董事長李東生
‧前沈陽電工廠長李正治
‧前健力寶集團董事長李經緯
‧國家民航總局局長李家祥
‧小崗村嚴俊昌等18位農民
‧蒙牛董事長牛根生（圖）
‧前衡陽變壓器廠長杜聆
‧前國務院農村發展研究中心主任杜潤生
‧浙江海鹽襯衫廠長步鑫生
‧華西集團副董事長吳仁寶
‧中海集裝箱集團總裁麥伯良
‧雙星集團總裁汪海
‧國務院發展研究中心研究員吳敬璉
‧金山集團董事長求伯君
‧玖龍紙業董事長張茵
‧前石家庄第一塑料廠長張興讓
‧聯和運通董事長張樹新
‧北大光華管理學院院長張維迎
‧海爾集團總裁張瑞敏
‧電視廣播主席邵逸夫
‧娃哈哈董事長宗慶后
‧吉林省副省長竺延風
‧聯想控股總裁柳傳志（圖）
‧武漢市委書記苗圲
‧北大經濟研究中心主任林毅夫
‧海信集團董事長周厚健
‧前解放軍日報副總編輯周瑞金
‧大新華航空董事長陳峰
‧已故華夏新技術開發研究中心
‧創辦人陳春生
‧全國政協副主席經叔平
‧上海汽車董事長胡茂元
‧前任南京大學哲學系副主任胡福明
‧清華大學公共管理學院教授胡鞍鋼
‧中大財務學系講座教授朗咸平
‧正泰集團董事長南存輝
‧已故中信投資董事長榮毅仁
‧無錫尚德電力董事長施正榮
‧新東方教育董事長俞敏洪
‧中興通訊董事長侯為貴
‧前第一汽車集團董事長耿昭杰
‧四通集團董事長段永基
‧大寨黨總支書記郭鳳蓮
‧前任長虹電器董事長倪潤峰
‧中國神華總裁凌文
‧浙江大學工商管理學院院長高尚全
‧波司登董事長高德康
‧前招商局局長袁庚
‧貴州茅台董事長袁仁國
‧國家雜交水稻專家袁隆平
‧皇明太陽能董事長黃鳴
‧民建中央副主席黃關從
‧國美集團總裁黃光裕
‧春蘭公司主席陶建幸
‧三一集團董事長梁穩根
‧北大經濟學院教授蕭灼基
‧前寶鋼集團董事長謝企華
‧泰國正大集團總裁謝國民
‧格力電器總裁董明珠
‧已故中科院經濟研究員董輔礽
‧金利來董事長曾憲梓
‧北京南洋林德投資總裁溫元凱
‧萬向集團主席魯冠球
‧已故中科院院士薛暮橋
‧已故全國政協副主席霍英東
資料來源：搜狐財經