42歲的劉嘉玲昨晚主持名店開幕時，透露開始喜歡小孩子，並計劃與梁朝偉生兒育女，她說：「其實𠵱家已經開始諗吓，我唔會未婚懷孕，會結咗婚先。」
劉嘉玲、琦琦、熊黛林和AnaR.等昨日在銅鑼灣出席意國名牌MaxMara旗艦店開幕，吸引大批市民圍觀，要警方作出封路安排。劉嘉玲剪綵後，與眾模特兒合照，身旁的貝安琪誤將嘉玲右肩上的小癦，以為是污糟紙屑，幫她用手掃走，嚇得嘉玲即時掩住胸口。
「唔講閨房嘅事」
台灣有風水師預測嘉玲今年大有機會懷孕，她聞言即想一想說：「唔知，我𠵱家唔知，隨遇而安啦。」沒有計劃，很易有意外（懷孕）？她笑說：「我係好成熟嘅人，唔會有意外，但有就有囉，我以前唔識鍾意小朋友，𠵱家開始鍾意。」生兒育女是雙方的事，問她偉仔怎看？她即說：「我哋閨房嘅事，唔講。」不怕做高齡產婦？嘉玲說：「唔怕，其實𠵱家已經開始諗吓，我唔會未婚懷孕，會結咗婚先。」是否已計劃今年結婚？她說：「唔知呢，乜說話都唔可以講得太盡。」
《色，戒》被美國選為十大恥辱電影，劉嘉玲對此說：「唔同地方，文化背景唔同，有少少差異係正常，美國文化呢方面保守啲，作為導演、演員，有人講總好過冇人講，有唔同聲音都係正常。」
常夢見張國榮
陳淑芬籌備4月1日舉行張國榮逝世5周年紀念騷，計劃請張學友、梁朝偉、劉嘉玲等演出，嘉玲表示會幫手但不會上台唱歌，她又指很懷念哥哥，她說：「我成日夢見哥哥、阿梅、羅文，夢見佢哋一啲好開心嘅事。」
此外，熊黛林對城城自稱「鑽石王老五」表示不會傷心，問她是否分手或轉做地下情？她說：「唔知點答你哋，成日問埋呢啲。」至於情人節會否捧城城場，她說：「農曆新年我會再返南京，14號係年初七，應該未返到香港。」
採訪：羅慧敏 攝影：陳志嵐
