英格蘭球星碧咸真係唔知咩叫人心隔肚皮，日前居然話好信任前曼聯隊友加利尼維利，即使對方同老婆維多莉亞光脫脫喺床，都唔會懷疑兩個人有景轟。嘩！碧咸究竟係覺得自己老婆唔夠索，定係冇睇過《投名狀》呢？又係嘅，佢呢排除咗跟阿仙奴操，仲搏命放風希望卡比路選佢打瑞士，又點得閒睇戲呢？