楊千嬅去年與丁子高發展姊弟戀，上月底千嬅更被發現到丁子高家過夜。至昨日，更有雜誌指千嬅聖誕期間答應丁子高求婚，並計劃今年10月結婚，兩人口徑一致，千嬅與丁子高皆謂「唔係事實唔回應」，實在心有靈犀。
現年33歲的楊千嬅，去年10月在紅館舉行個唱期間，28歲的丁子高連續幾晚以正印男友身份欣賞個唱，被踢爆發展姊弟戀，儘管千嬅在台上與表演嘉賓古天樂晚晚咀不停，製造三角戀疑雲，但留下來的始終是丁子高。
臭史無礙戀情
被踢爆與丁子高發展姊弟戀的千嬅，個唱後與丁子高同遊日本，預支蜜月，雖然之後丁子高不斷被傳媒揭臭史，指他形象花弗冧女無數、扮有錢仔兼有暴力傾向，負面新聞不絕於耳，但千嬅仍愛得癡心，上月底，她便被傳媒拍到在中環ifc買牛肉和清酒，然後到丁子高跑馬地寓所與男友、丁母及友人打邊爐，千嬅整晚未有離開，二人關係明顯未受負面新聞影響。
至昨日，更有消息指丁子高於上月聖誕節向千嬅求婚，愛得火熱的千嬅火速答應，準備做完手頭上的工作，便於今年10月與丁子高結婚。記者昨日就此事致電千嬅經理人公司梁小姐求證，梁小姐回覆說：「唔係事實嘅嘢唔回應。」另方面，丁子高昨日在電話中指不會多作回應，他說：「唔係事實嘅嘢唔想多講。」竟然跟千嬅同一口徑。
「冇時間拍拖」
此外，千嬅早前為ILoveYouBoyz（艾粒）的搞笑騷擔任嘉賓，她穿上睡袍及戴上髮鬈，以一身「楊太」造型出現。艾粒問「楊太」女兒千嬅經常被人追問緋聞可感嬲怒時，「楊太」表示不會介懷，並說：「佢都冇拖過（男仔）返屋企，即係冇拍拖啦！佢都冇時間拍拖。」另外，艾粒又問「楊太」，千嬅加盟黎明的公司後感覺如何，「楊太」說：「佢辛苦㗎，日日聽黎生嘅歌，驚問到佢，唔記得嘛。」
撰文：林妃
