郭富城將於情人節開演唱會，他未有想過邀請緋聞女友熊黛林捧場，他只想歌迷做他的情人。城城個唱將搭建全球最大的室內旋轉舞台，並已申請列入健力士世界紀錄，城城表示如果成功，會感到非常有紀念價值。
郭富城將於下月14至17日在亞洲博覽館舉行一連四場演唱會，昨日他在尖沙嘴舉行記者會。今次演唱會是07年的延續篇，所以繼續採用旋轉舞台，不過城城表示服裝與歌曲都會有變，舞台會與觀眾更接近。
城城選在情人節開騷，難道不想與女友過二人世界？他笑說：「我當每一位歌迷都係我嘅情人，情人節想大家輕鬆吓，到時我可能會送神秘禮物畀啲歌迷。」
城城緋聞女友熊黛林是否已向他撲飛？他說：「緋聞嘅嘢唔講，都冇人問我要飛，因為自從上次演唱會之後，大家都知我係買唔到飛嘅，買飛嘅嘢留番畀公司搞啦。」問到藤原紀香會否在情人節來港看騷？城城說：「未知喎，應該唔會啩。」記者笑言這次演唱會場地在亞洲博覽館，就近機場可即日來回，他即笑說：「咁近機場，睇完飛返走，不過佢情人節應該陪老公，係我咁勤力啫。如果我所有異性朋友嚟睇，都係陪我過情人節。」
申請舞台入健力士
紀香要陪老公，熊黛林也可來看騷陪他過情人節，城城聽後說：「唔識答，都係朋友啫，咁所有異性朋友嚟睇我演唱會，我都當佢同我過情人節㗎啦。」城城強調自己還是單身，他笑說：「我仲係鑽石王老五，會係舞台閃爍嗰隻。」
贊助商為祝賀城城再開騷，特別將他的旋轉舞台申請入健力士世界紀錄，列為全球最大室內旋轉舞台，城城坦言：「好開心，如果真係入到，喺我事業嘅里程碑上，會感到好有紀念價值同好難得。」
採訪：胡比
攝影：陳志嵐