鍾鎮濤（阿B）推出自傳《麥當勞道》，內容提及與前妻章小蕙（Teresa）的婚姻瓜葛，日前章母反駁阿B在書中暗示章小蕙打母親，阿B昨日提及此事時談笑風生，他感謝章母買書捧場之餘，還笑謂章母是快樂的善忘人。
鍾鎮濤、關心妍、新人謝文雅和樂隊V，昨日在白石燒烤場錄影無綫節目《范後感》。談到阿B在自傳中暗示章小蕙打母親，因此引來章母抨擊，阿B對此語氣平和地說：「我好多謝佢（章母）咁支持買我本書睇，成本書10萬字，9年婚姻只係寫咗幾千字，我只係將自己嘅經歷寫低。邊個都可以發表意見，既然佢自己咁善忘、咁開心，呢啲都不足掛齒，恭喜佢係一個快樂人。」
自言已寫得保守
其實阿B早預料到自傳推出後定必有很多迴響，他說：「每個人睇法唔同，我覺得講得少，已經咁大反應。如果我要出本書講嗰段婚姻，不如開記者會拗餐死，我已經好保守寫少少，只係啲人用幾千字炒完又炒，周刊都賣到十幾萬書。」
「唔『烹』佢走已畀面」
除章母外，章父也指阿B出自傳是為了宣傳；另外阿B在自傳中暗示盧覓雪在阿B面前拿章小蕙和陳曜旻的合照出來，以揀選雜誌封面，盧覓雪早前反指阿B根本不在場，不明白他為何知道此事，還嘲笑阿B可能是偷聽。
對此阿B沒好氣地說：「佢（章小蕙）爹哋、媽咪點講，我都係回應一次，仲搵埋個好友（指盧覓雪）出嚟講。嗰個係我屋企定佢屋企？佢咁講已經自打嘴巴啦。邊個主人邊個客人都未知，當時我仲未離婚㗎，張相（指章小蕙與陳曜旻合照）係通姦證據，仲當我係偷聽，我可以『烹』佢扯，我唔『烹』佢扯已經好畀面，仲話我唔啱。」
採訪、攝影：魯萍
