愛華頓領隊莫耶斯原來都幾無賴吓，皆因該隊南非球星派拿周日應該回國備戰非國盃。點知呢位「算死草」領隊同南非足總講，國際足協條例要求賽事開始前14日歸隊，但冇講明係由賽事開始定首場比賽開始起計，於是要佢打埋周三場英聯盃先歸隊。好彩最後國際足協拍枱大喝愛華頓咪玩嘢，莫耶斯先死死氣放人！