英格蘭國家隊領隊卡比路開始做嘢啦！前晚英足盃曼聯作客阿士東維拉，佢老人家就坐喺看台度，相信嚟緊球迷會成日見到佢。據講，卡比路將逐一到訪各球會，同領隊握手拍膊頭，咁第日選人就方便好多。至於球員方面，就會特別注意年輕球員，其中艾邦拉荷、巴尼斯等7新星，將列入重點觀察名單，各位醒定啲啦！