【本報訊】一向對日本菜情有獨鍾的香港人，得悉吃剩半條的「日本第一吞拿魚王」昨日抵港後，即湧至投得該條「魚王」的食肆，希望品嚐難得一試的鮮味，其中一間食肆昨晚派籌400個，店外並一度有40人排隊輪候，排隊人數比平日多一倍。有食客品嚐後坦言「魚王」味道只屬一般，非如想像般「入口即溶」。 記者：鄧愷欣
這條重達276公斤的藍鰭吞拿魚霸，前日由港人以約港幣43萬元，於東京築地魚市場成功投得，當時已在東京吃了半條，餘下半條於昨午2時30分自築地魚市場空運抵港。板前壽司副總經理麥建成表示，他們將半條「魚王」分成8箱共152公斤運到香港，「總共有12件，其中兩件係重10幾公斤嘅拖羅（魚腩）。」
食客平均等3小時
不少專程前來捧場的食客均認為，這是一次品嚐「魚王」的難得機會，以銅鑼灣「雪村」串燒店為例，早已訂座的客人在昨晚6時左右已於店外等候。
在銅鑼灣世貿中心對出的「板前」，早在昨午4時多，已開始有大批顧客等候，他們的平均輪候時間達3小時。其中在世貿中心對出的「板前」，昨晚派籌400個後，因人數眾多而要停止派籌；現場一度有40人排隊輪候，人數比平日多一倍。
每年都會到日本不同地方吃壽司、刺身的段太，特別與家人及朋友前來，「已經好少會有咁大條拖羅，係非常罕有，所以百幾蚊一件已經係好平，好抵食。」但當她與家人點選了每件90元的壽司與150元一片的大拖羅後，卻發覺味道只屬一般，「都幾好味，但平時食嗰啲都會好食啲，因為我哋認識一個日本師傅，會畀最好嘅我哋。」
麥建成指，為慶祝東京店開幕及回饋顧客多年的支持，老闆鄭威濤特別競投這條在日本人心目中代表着「好意頭」的「魚王」。抵港部份的魚肉被分割成2000件售價每件約50至150元的拖羅，以及2500件每件售價為18元的壽司；並於港澳全線共13間分店售賣，相信昨晚晚市全數售罄。
今天再競投另一條
食肆計劃今天再斥資廿萬元競投另一條吞拿魚。麥建成稱，「其實真係蝕本價，因為條魚嘅頭、尾、骨頭同內臟都已經冇咗三分一，𠵱家割完之後得番70幾公斤，比預算少咗好多，都唔知可以整到幾多件。」
在港工作了兩年多的日本師傅石山表示，對於能夠在港宰割這條「魚王」感到高興，因為連日本人自己也很難投得，今次被香港人投得實在令他非常驚訝。
食客回應
《都幾好味》
對刺身、壽司極之鍾情的段太，認為魚王的味道一般：「我叫咗背脊同腩之間半肥半瘦嘅地方，唔係最靚嘅部份。都幾好味，但食過最好食嘅當然係日本啦！」
《唔會失望》
冼先生與女友共點選6件拖羅，感覺味道與平時吃的拖羅相近，「係有好油甘香嘅感覺，食落去會化晒，仲有少少筋。同平時差唔多，特別係大拖羅，但唔會太失望。」
《冇乜寄望》
陳小姐在接近5時已到店外輪候，她預計需要等候3個小時才有機會品嚐魚王的鮮味。「今日已經等咗兩個鐘。雖然對這條魚王拖羅冇乜寄望，但都會叫兩、三片食。」
